Tleirawl leh Rinawmna
Mi puitling leh ngaihsan awm tehna chu an thiamna leh hausaknaah nilovin an Rinawmna ah a innghat zawk. Pathian leh kohhran tana mi duhawm, entawntlak leh ngaihhlut tur mi pawh mi langsar leh thawm nei ring thei aiin Pathian leh a kohhran tana mi Rinawmte hi an ni. Thu hre tam leh sawi thiam rinawmna tlachham si te ai chuan rinawm leh nghet taka Isua kraws vuan tlat te hi Pathian tan pawh an hlu zawk ngei ang. Mi rinawm ni turin engtia nun tur nge tih vawiinah hian kan zir dawn ani.
Rinawmna awmzia : Kan thupui hi a fiah zawk theih nan tawng bul lam hmang telin sawifiah kan tum ang. ‘Rinawmna’ tih hi Greek tawng chuan ‘Pistos’ an ti a, Hebrai tawngin ‘Emuna’ an ti thung a, a awmzia chu hetiang hi ani :- Mi rintlak (Reliable) : Mi rintlak, beisei ang ngeia mawhphurhna hlen thin mi, midang tan pawh innghahna tlak leh rinngam te hi mi rinawm chu anni. Pathian leh kan mihring puite te tan kan rintlak em le? mahhi theuh i inenfiah ang u.Mi dik, rilru ngil (Honest) : Rilru kawi lo, mi ngil, dik tak leh fel taka nung thin, te hi mi rinawm an ni. Mi rinawmte nunah chuan dawt leh dik lohna in hmun a chang ngai lo.
Mi nghet/ tlo (Steady) : Rinchhan tur leh innghah ngamna tur khawpa nghet leh tlo hi rinawm chu ani. Mi rilru nghet leh thle mai mai lo, phur chang leh phur loh chang nei ni lo, tei rei peih mi (mi regular), innghahna (principle) mumal tak nei te hi mi rinawm chu anni.
Khua leh tui tha (Loyalty) : Lal leh ram tana mi rinawm sawina ani. Kan ram tan khua leh tui tha kan ni tur ani. Chutiang bawkin Krista thisen zarah Van khua leh tui kan ni a, he khawvel kan khualzinna ramah hian van lam tan khua leh tui rinawm kan ni tur ani. A tul anih chuan thih ngam hial khawpa Krista tana nun hi kan bat ani. Thih thlenga rinawmte tan nunna lallukhum pek min tiam si a. (Thup 23:10)
Engvanginnge kan rinawm ang? :
Kan rinawm nachhan tur Bible-in min hrilh atangin kawng hnih chauh lo tarlang ila :-
Min kotu a rinawm avangin (1Thes 5:24)
Kan Pathian hi rinawm chhan tlak ani. Rinawm taka a rawngbawl turin min kova, kan laka a thutiamte a ti ngei dawn ani tih pawh min hrilh nghal ani. A tana rinawmte chu Lalpa’n a tithlawn ngai lo, mal a sawm a lawmman a pe thin.
Josepha chuan a mumang lama Pathianin thil a hmuhtir te chu rinawm taka vawngin huaisen takin a puang a. Hmun fianrialah mipat hmeichhiatna hmanpui tura a pu nupuiin nasa taka a sawm lai pawhin a Pathian lakah a rinawm tlat a. A rinawmna avangin hun hrehawm leh harsa tak tak pawh a tawh phah nasa hle anih kha. Nimahsela Pathianin a rinawmna kha a theihnghilh lo, nasa takin a chawimawi ve ta thung a, Aigupta Prime Minister dinhmun luah chungin nula hmeltha leh thianghlim puithiam (pastor) fanu ngat Asenathi nupui atan a nei ta anih kha. Mi rinawmte hi khawvel hian thupbo tum thin mahse an thup hlen thei ngai lo. A hun takah Lalpan a chawimawi a, an rinawmna lawmman a pe thin.
Daniela leh a thiante pawh kha Pathian tan an rinawm tlat avangin mak tak tak in Lalpa’n a chhandam thin anih kha. Dura phaizawla rangkachak milim chibai buk tur a music tang tak nen mipui zawng zawng an rik mup mup lai khan an(Sermon zawmna)
Pathian tan an rinawmzia lantir nan milim chibai an buk ve duh lova, rawhtuina meipuia an paih luh meuh chuan anmahni kotu Pathian chuan a rinawmzia chu rawn lantirin mak tak maiin a chhan chhuak ta anih kha.
Keini pawh hian ami ni tur leh a rawngbawl tura min kotu kan Pathian tan kan rinawm phawt chuan, kan chunga a rinawmzia lan tir hi Lalpa’n a chak em em ang tih kan ring tur ani.
Rinawmah min ngaih avangin (1Tim.1:12):Min ring ngam lo te laka rinawm hi a harsa a, chutiang bawkin min ring ngamtute laka rinawm hi kan bat ani. Kan Pathian hian khawvela a rawngbawl tur hian van Angelte thlang lovin keini misualte min thlang hi a mak a, rintlaka min ngai hi a ropui ani. Pathian meuhvin rinawmah min ngai anih chuan a laka rinawm hi kan bat ani tih i hre nawn leh ang u..
Ngaituah chhunzawm atan:
Mizo tleirawlte hian eng kawngah te nge rinawm kan mamawh a in hriat ?
Ni 3.1.2013 (Pathianni)
Khawvel Sunday School Programme
Chawhmaa
Chairman : Upa C Laihnuna (Superintendent)
Tantu : Pi Zathangpuii
Chhiartur : Ephesi 4 : 11 - 16
Thupui : “Wales ram Kohhran I”
Thupui sawitu : Pro. Pastor Lalpekliana
Chawhnu
Chairman : T.Upa F. Lalrochhara (Asst.Supt.)
Tantu : Pi Rothangpuii
Chhiartur : II Korinth 3 : 2 - 6
T
hupui : “Wales ram Kohhran II
”
Thupui sawitu : Rev. Lalthanhawla
Zan
Thusawitu : Upa R. Chalthuama
NPSS Programmee
Chawhma
Hruaitu : T.Upa Lalthianghlima Varte
Tantu : Nl. Baby Lawmsangzuali
Zaipawl : Begginner & Primary Dept
.
Changsawirual: Junior Department
Thupui : Bible humhim tute Then I - na
Thupui sawitu : Tv. H Lalrosiama
Chawhnu
Hruaitu : Pu C. Laltlankima (Senior Leader)
Tantu : Tv. Lalengrenga
Zaipawl : Senior Dept.
Changsawirual: Inter & Sacrament Dept
.
Thupui : Bible humhim tute Then II - na
Thupui sawitu : Pi Ramsangliani (Beginner Leader)
THAWHTAN ZAN KTP INKHAWM
PROGRAMME
A hmun : Biak In
Hruaitu : Tv. K. Lalmalsawma
Tantu : Tv. Lalengrenga
Thusawitu : Pu B. Lalthazova
Tp Lakhawmtu : Nl. Lalremkimi
KTP PATHIANNI TLAI FELLOWSHIP
PROGRAMME
Tan hun : Dar 3:15 p.m.
A hmun : Upa C. Laihnuna In
Hruaitu : Tv. K. Lalbiaknunga
Tantu : Tv. C. Lalrinmuana
Gr.Budget lakhawmtu: Tv. Vanlalsanga Tlau
Thusawitu awmlovin Hla zir nghal tur a ni ang. Member ten i ngaipawimawh ang u.
KOHHRAN HMEICHHE INKHAWM PROGRAMME
A hun : Ni 5.11.2013 (Thawhleh Zan)
A hmun : Biak In
Hruaitu : Pi Hualhliri
Tantu : Pi Vanlalthliri
Thusawitu : Pi Lalramnghaki
Tp Lakhawmtu : Pi Kaptluangi
PAVALAI INKHAWM PROG
A hun : Ni 7.1.2013 (Thu) Zan dar 6:45 p.m.
A hmun : Pu Lalbiakmawia-te In
Hruaitu : Pu C. Lalrawna
Tantu : Pu C. Lalvena
Thusawitu : Pu T. Lalrintluanga
Tp Lakhawmtu :Pu K. Lalvena
November thla Zaihruaitu turte
(1) Pu H.V. Hranglawta
(2) Pu C. Lalengzauva
(3) Tv. Ronghinglova Chhangte
(4) Keyboardist : Pu C. Laltlankima
November thla Thawhlawm khawntute
(1) Nl. Lalbiakthangi
(2) Nl. Lalnunmawii
(3) Nl. Lalrindiki Varte
(4) Nl. Lalventluangi
Keimahni
@@ Vawiin hi Kohhran Pathian ram Ip lakkhawm hun a lo ni leh ta a, Kohhran In tinte i lo inring leh ang u.
@@ Vawiin hi Rualbanlote ni a ni a, Chawhnu Pathian Biak Inkhawm hi Rualbanlote pual a ni dawn a, Kan Kohhranah Shalom Special School an rawn inkhawm dawn a, Chawhnu Pathian Biak Inkhawmah hian an pualin thilpek lakkhawm a ni ang.
@@ Vawiin Chawhnu Inkhawm Banah hian Thingpui Inho tur a ni a, lo buaipui turin Senior Dept-te leh Pu Salnunkhumate ruat an ni.
@@ Kan Member Pu CVL Malsawma chuan Fanu duhawm tak a nei thar a, Member ten kan lawmpui hle.
@@ Vawiin hi Rualbanlote ni a nih avangin NPSS leh VYF Chawhnu Inkhawm a awm dawnlo a, Biak Inpuiah inkhawm vek tur ani ang
@@ Vawiin hi Bible Society bawm inleng kalpui hun kha alo ni leh ta a, kohhran chhungtin te lo inring leh theuh ang u.
@@ Vawiin hi K.T.P Financial Group Budget lakkhawm hun a ni a, member te lo inring theuh ang u.
@@ Chhiahtlang Pastor Bial Naupang Inkhaawmpui Sialhau a neih tur inbuatsaih nan nimin inrinni khan Inter Dept. leh Sacrament Department te chuan nileng hlazir na hun an hmang.
@@ Venghlun Kohhran October thla Building Ip 70 lutin Rs. 7895.00 /- hmuh a ni. Kohhran mipui ten tan ila deuh deuh ang u.
@@ Joshua Group te chuan zingkar ah hnatlang in T.V tek danna an zuar thin a, member thawkchhuak thin te chungah group hruaitute an lawm hle a, tlawmngaia lo lei saktute chungah an lawm hle bawk. T.V. tek danna lei duh chuan group hruaitute hnenah a lei theih reng bawk e.
@@ Kan kohhran chhungkua atangin Pi Ramhmunzauvi chuan min boral san a, a kalsan tak a chhung leh khatte tan kohhran hoten itawngtai pui zel ang u. Tin, kan veng chhung a damlo te tan itawngtai zel bawk ang u.
@@ Ni 16 - 17 November thla a Bungtlang Vengsang Branch KTP kan tlawhna tur ah member ten hlazir ngaipawimawh theuh ila, tin, items incharge te khan tan inla deuh deuh bawk teh ang.
.
No comments:
Post a Comment