KRISTIAN CHHUNGKUA DIN TULZIA HRIATNA KAWNGAH HARHNA, KAN MAMAWH Zoram kohhranah hian harhna lian tham tum 7 lai kan tawng chho tawh a, a hnuhnung ber chu El Bethel Harhna an tih mai, kum 1990 lai chho vel kha a ni awm e. Hemi hnu hian harhna lian tham, Zoram pum huap kan dawng ta lo a ni awm e. Tichuan kum 2006 khan Harhna thlen kum 100-na, Revival Centenary chu ropui takin lawm a ni. Harhna chungchang kan sawiin ka rilru-ah thil pakhat a awm thin. Min hringtu Wales ram kohhrante hi Zoram kohhrante tan inenfiahna tur pawimawh tak an niin ka hria. Wales ramah khuan harhna tum sarih lai mai a thleng a, a hnuhnung ber chu 1904 kha a ni. Tichuan hun a lo kal zel a, tunah chuan kum upa lam leh tarte bak inkhawm hmuh tur an awm mang ta lo a, kohhran nun pawh a chau hle niin kan hria. Keini ram pawh hi Wales ram ang hian tum 7 lai mai harhna lian tham kan lo tawng chho ve tawh a. Kan hma lam kum 25 vel lo kal turah hian eng nge kan an ve ang le? Kan thupui -Kristian chhungkua din tulzia hriatna kawnga harhna, kan mamawh tih hetiang hian lo sawi ta i la.
Kristian chhungkua din tulzia hriatna kawnga harhna : Pathian ropuizia a lo lan chhuah zel nan, kohhran a nun chhoh zel nan, ram leh hnam a din chhuah nan kristian chhungkaw tharna kan mamawh a ni. Kristian chhungkua-in kan society-ah te, kan ramah te, kohhranah te hian dinhmun a luah pawimawhzia te hi sawi tam tawk a awm awm lo e. Kan sawi nasa a, kan inzirtir nasa, hmasawnna pawh lang bawk mah se la a sawt chak lo hle a ni. Kan chhungkua, kan hnam leh ram damna hi khawvel thila innghat a ni lo. Pathian kan tihna, a thu kan zawmnaah a innghat a ni. Thiamna, hriatna, finna leh hausakna a lo pung nasa ta hle mai. Chu chuan kan nun phung leh khawsak a tidanglam nasa hle a, chu chuan malsawmna tam tak min thlen ngei mai. Amaherawhchu hei hian a ken tel thil tha lo a ngah a, chu chuan min va timangang nasa em. Chhungkaw tam tak kan mangangin kan rum vawng vawng a, chhantu kan ngai a, puitu kan ngai a ni. Chuvangin kan hnam dam reina tur leh a lo nawm lehna tur chuan khawvel thila innghah a ni lo a, Lalpa tihna leh hriatnaa innghah a ni. Khawvelah hian sual leh thil tha lo, min tihrehawmtu tlanbosan theihna pakhat mah a awm lo, kan inchiah piah reng dawn. Chuvangin Zoram himna leh damna tak tak chu Isua Krista kan rinnaah a innghat a ni. Hruaitu ropui Mosia khan Israel faten anmahni din chhuaktu, anmahni thlangtu, anmahni enkawltu leh malsawmtu Pathian chu thangthar lo awm zelah an theihnghilh a hlau hle a. An theihnghilh chuan an hnam tan chhiatna leh boralna a ni dawn tih a hria a, chuvang chuan Lalpa dan leh thupêk leh rorelte chu vawng nung tha zel turin an fate thahnemngai taka zirtir turin a fuih a ni.
Hnam tlemte, ram zim tea cheng Zofate pawh hian hei hi kan mamawh - Zoram hi a dam zel theih nan, kohhran pawh hi a nun zel theih nan thangthar zelah Lalpa chanchin hrilh zel hi a pawimawh a ni. La piang turte hnenah, 'Lalpan Zofate hi min chhandam, min humhalh' tia an hrilh zel theihna tura Pathian hriatna chhungtin ten inzirtir a, inkaihruai turin tan i la sauh sauh teh ang u. Thlarau thianghlim harhna changtu ten kan harhna chan hi pawn lamah ni mai lo-in, kan inchhung khur ngeiah hian i seng lut ang u. Chu chu kan damna tur a ni si a. Lalpan kan za atan mal min sawmsak rawh se. AMEN
Pavalai Meet Programme
Pathianni chawhma inkhawm Dar 10:00 a.m.
Hruaitu : Pro.Pastor Lalpekliana
Thusawitu : Rev. Vanlalbela Speker
Zaipawl : Sialhau Pavalai Zaipawl
Venghlun Pavalai Zaipawl
Solo : Pu R.Lianzuala Venghlun
Chawhnu Pathian Biaak Inkhawm Dar 1:30 p.m.
Hruaitu : Pu T.C.Vanlalruata Asst.secy
Thusawitu : Rev. Vanlalbela Speaker
Zaipawl : Chanmaari Pavalai Zaipawl
Sailam veng Pavalai Zaipawl
Chhimveng Pavalai Zaipawl
Area B.S.I Chhiahtlang
Zan Pathian Biak Inkhawm Dar 6:30 p.m.
Hruaitu : Rev. Lalthanhawla Bial Chairman
Thusawitu : Rev. Vanlalbela Speaker
Zaipawl : Hmarveng Pavalai Zaipawl
Venghlun Pavalai zaipawl
Venghlun Kohhran Zaipawl
Chhiahtlang Pastor Bial Zaipawl
KTP PATHIANNI TLAI FELLOWSHIP
A hmun : Upa C.Laihnuna In
Tan hun : Dar 3 : 30 p.m.
Hruaitu : Tv K.Lalbiaknunga
Tantu : Tv C.Lalrinmuana
Thusawitu awmlova hla zirtur ani a memberte’n i ngaipawimawh theuh ang u.
Editorial
Pavalai inkhawm hun hi.....
Bial Pavalai Meet kan hmang mek a, report atanga alan danin Kohhran hrang hranga Pavalai inkhawm hun a in anglo zung mai a, hei hi ding tir kan la nih deuh avanga mahni remchan dan ang ang a kal mai a la awlsam vang mai niin a ngaih theih.Mahse Pavalai hi a tawp mai a rinawmloh mai nilovin an kalzel na tur ah Kohhran tan a pawl pawimawh tak a la ni chho zel dawn niin alang a, hei vang hian tun atanga kalphungtha leh mumal deuh kan duan a tul hle.
Kan Kohhran Pavalai te pawh Nilaithawhtan zan ah an inkhawm thin a, hei hi an mahni in remchang leh tha ber tur ni a an ngaih niin a lang a, a tha.Mahse nguntak a ngaihtuah in karkhat chhung a Kohhran hovin hun kan laktam dan leh a bik takin zanlam hun awl a awm ta manglo lutuk hi ngaihtuah ngun a tul hle.
Zan lam a hmalakna tur rel a ro rel thin chu Kohhran mite tho kan ni a, chuvang chuan kan hmalak zel dan tur ngunthluk zawk leh zalen zawk a kan rel theih nan a hun pek tam dan zawng chunga inkhawm hun hi ngaihtuah that leh theih nise a duhawm hle mai. Kohhran thenkhat Pavalai ten zan hun awl siam tam a, thil tul leh pawimawh dang tihna hun siamna anih hria a KTP inkhawm zan, Thawhtan zan a inkhawm an buatsaih ve mai kha a finthlak in a inkhawm ate an inan chuan loh avang leh inkhawmna hmun nghet neilo an nih avangte hian thil remchang tak niin alang a, hei hi hman tangkai ve a that hmel khawp mai.
Keimahni
** Vawiin hi Pavalai Meet vawi 1-na kan Kohhran Biak In ah neih mek a nih avangin Kohhran hunruat pangngai kan nei thei dawn lo va, meet hmang turin Kohhran mipui te thahnemngai takin kan insawm a, Pathian Biak Inkhawm i ngaipawimawh theuh ang u.
** October thla atana KTP Missionary chawmna ip lakkhawm atangin Rs. 4600.00 hmuh a ni a, Pathianni tlai ramthar pual a thilpek kenkhawm atangin Rs.110.00, avaiin Rs.4710.00 kan hmu a, a lawmawm hle.Member ten kan rawngbawlna pawimawh berte zing ami a ni tih hria in tan ila sauh sauh zel ang u.
** Pavalai meet chu zirtawp zan atang khan kan Kohhran Biak In ah neih tan a ni ta a, khua a nawm loh deuh avang in a tan zan hian inkhawm kan thalo hle.
Zirtawp zan hian Kohhran hrang hrang Pavalai report ngaihthlak a ni a, zaipawl 3, Hmarveng, Sailam leh Venghlun Pavalai Zaipawl te zaiin Pu R.Lianzuala a solo a, Pu R.Lianzuala hi Pathianni chawhma inkhawmah a solo leh bawk ang
Pavalai report tlangpui atanga a landanin kan Kohhran Pavalaite an titha hle.He Pavalai meet pual hian zirtawpni vek khan Kohhran hnatlang neih a ni a, Kohhran member hnatlang chhuak kan tha lutuk lo na a hnathawh tur ang ang te thawh zawh a ni.Tunah hian Venghlun kohhran Pavalai te hi member 54 an awm.
** Kan Kohhran chhungkua ah tunlai hian damlo kan awm neuh neuh a, chung zingah chuan Pi Ramthangi leh Pi Ramhmuzauvi te tlemin an bet deuh niin a lang a, kan tawngtaina ah hrereng in an tan damna i dilpui zel ang u.
** Vawiin hi Building Ip lakkhawm ni leh Kohhran Hmeichhe Group Budget lakkhawm ni a ni a, Kohhran mipuite kan inhriattir thar leh e.
KTP THAWTAN ZAN INKHAWM PROG
A hmun : Biak In
Hruaitu : Tv Ronghinglova Chhangte
Tantu : Nl Lianchhingpuii
Thusawitu : Pu D.Lalzarzova
Thilpek lkt : Nl Lalhriatpuii
KOHHRAN HMEICHHE PROG.
A hun : Ni 29th.Oct.2013 (Tue)
A hmun : Biak In
Hruaitu : Pi Sangthuami
Tantu : Pi Lalkungi
Thusawitu : Pi Lalbiakveli
Thilpek Lkt : Pi Rokhumi
PAVALAI INKHAWM PROGRAMMEE
A hun : Ni 31st.Oct. 2013 (Thu)
A hmun : Pu R.Zothansanga In
Hruaitu : T Upa R.Lalhmangaiha
Tantu : Pu P.C.Remsiama
Thilpek Lkt : Pu Khawlrimawia
Thusawitu awm lovin meet thlirletna hun hman tur a ni ang.
No comments:
Post a Comment