TUNLAI KHAWVEL INLUMLETA KRISTIAN THUCHAH
Hmasang ata tawh tun thlengin khawvel inlumleta Pathian thuchah ding reng a awm thin a, chu chu a indawtin lo sawi ila.
A hmasa berah chuan simna thu hi a ni. Hmasang ata tawh tun lai thlengin Pathian mite leh amah hre ngai lote tana thuchah a ni. Pathian hre ngai lote pawh an sim a duh thinzia chu, Jona, Ninevi khuaa a tirhah hian a lang a ni. An sim chu a lawmzawng a ni chauh ni lovin, thawh leh hunah chuan tun lai thlangtharte thiam loh chantir turin a lo la ding dawn niin Lal Isua’n a sawi a. Sima, a lam hawia, chhandama awm turin misualte pawh a la sawm reng a ni. Pathianin a nite lakah pawh simna chu a la phut reng a; midang lakah aiin a phut nasa zawk emaw tih tur a ni. A hnam thlante lakah a thikthu a chhe em em a. Bukna dik lo te, puithuna dik lo te, mi retheite chunga ngilneih lohna te, rorelna dik lo te, mipat hmeichhiatna hman dik lohna te, sakhaw hman pawlhna te sim tura a phut tlat avangin zawlnei eng emaw zat a mite hnenah a tir a. Baptistu Johana leh Lal Isua lo lan pawh khan an thuchah hmasa ber chu, “Sim rawh u, vanram chu a hnai tawh e,” tih hi a ni leh a (Mat.3:1; Mk. 1:15). Lal Isua hnua Tirhkoh hmasate thuchah hmasa ber pawh, “Sim ula, insual ngaihdam nan baptisma hi chang theuh rawh u; tichuan, Thlarau Thianghlim pek hi in hmu ang,” tih hi a ni leh a. Paula thuchah pawh, “Chutichuan, Pathianin kan hriat loh laite haider thin a; nimahsela, tunah hian ram tina mi zawng zawng sim tur thu a pe ta a ni,” tih hi a ni leh a (Tirh.2:38; 17:13). Khawvel inlumleta Kristian thuchah chu simna thu hi a ni.
A dawt lehah chuan Chandamna thuchah hi a ni. Chhandamna hian taksa leh thlarau a huam thin. Chhandamna kim chu nakinah kan la chang dawn, chu hun chu Pathianin a hun takah a la rawn thlentir ang. Chu chu nghakin, tunah pawh changinm chhandam mekin kan awm a. Chumi ni atana kan taksa leh kan thlarau chu a puma humhima kan awm hi Pathian duhzawng a ni. “Nangmahnia awm thlarau zarah chuan in taksa thi theite chu a tinung bawk ang.” tih ang khan, kan taksa pawh sualna chi hrang hrang te, retheihna leh bawih nihna ata chhandama kan awm hi Pathian duhzawng a ni.
Nichina kan sawi tak, sualna tinreng laka chhandama kan awmna tur chu Pathian kan rina, kan sualte kan sim hlen zel hi a ni a. Heng sualna chi hrang hrang lakah kan him theihna tura Kristian thuchah pawimawh ber pakhat chu Taihmakna hi a ni. Hei hi khawvel hmun tinah a pawimawh takzet a. Zoramah hian a pawimawh lehzual. Hnam fingte chuan, “Setana hnathawhna hmun chu thatchhe thluak a ni.” an ti. Mi
Kristian thuchah dang pawimawh tak lo lang leh chu ‘Hnehna chu Pathian ta a ni’ tih hi a ni leh a. Bible-in, “Chung zawng zawngah chuan, min hmangaihtu avang chuan ropui taka ngamtu kan ni,” a tih ang khan. Tunlaiin Zoram leh hmun dangah thatna aia sualna a chak zawk anga ngaih tlatna hi a pawi em em a. “Paula pawhin, ‘Ka duh loh zawng chu ka ti zawk thin’ a ti alawm,” tia inthlahdah hi Kristiante tih dan tur a ni lo va. Krista zara sualna zawng zawng hneh vek tura tan lak reng hi Kristian tih dan tur a ni zawk a ni. Hnehna hi kan ta a ni tih theihnghilh hi a pawi hle a ni.
Chutianga thlarau chhandamna te, taksa chhandamna te leh hnehna kan chan tur thute chu kan Lalpa thuchah laipuiah kan hmu a. Chung chu kan chang thei a, chung chu Kristianin a thuchah ken chu a ni. Chuti ni lo se tunlai khawvel danglam chak takah hian thlamuang takin kan awm thei lo vang. Tunlai khawvel sual tak laka chhandamna leh, hun lo la thleng tura chhandamna chu Bible thuchah hian min kawhhmuh avangin, beisei leh thlamuang takin khawvel lo danglam zelah hian kan awm thei a ni. Kristian tinte hi heng thuchahte thlen dikna tur leh thlen diktir tura beitu turte kan ni theuh mai. Hnehna chu kan ta a ni.
Kohhran hunruat
Ni 26.5.2013 ( Pathianni)
SS Tantu : Pu K. Laliana
Thu sawitute
Chawhnu : T Upa Lalngura
Zan : Pu C. Lalengzauva
THAWHTAN ZAN KTP INKHAWM PROG
A hmun : Centenary Hall
Hruaitu : Pu T. Lalrinpuia
Tantu : Nl Lalrinnungi
Thusawitu : Pu C. Laltlankima
Tp Lakhawmtu : Nl Laldinchhuahpuii
Kumpuan thupui “ Midang tana malsawmna” then 1-na zirho tur a ni ang. Hla zir nghal tur a ni ang.KTP PATHIANNI TLAI FELLOWSHIP
PROGRAMME
Tan hun : Dar 3:30 Pm
A hmun : Centenary Hall
Hruaitu : Nl Lalthankungi
Tantu : Nl Rosy Malsawmzuali
Thusawitu : Tv K. Lalmalsawma
Gr Budget Lakhawmtu : Pu D. Lalzarzova
Finnancial Group Budget lakkhawm tur a ni ang. Hla zir nghal tur a ni ang.
KOHHRAN HMEICHHE INHKHAWM PROG
A hun :4.6.2013
A hmun : Biak In
Hruaitu : Pi Vanlalhawihi
Tantu : Pi K. Lalnumawii ( Di-i)
Thusawitu : Pi Lalliantluangi
Tp Lakhawmtu : Pi Lalnarammawii
PAVALAI INKHAWM PROG
A hun : Ni 6.6.2013 (Thu) Zan dar 7:15
A hmun : Pu K. Lalvena In
Hruaitu : Pu K. Lalmuanpuia
Tantu : Pu T. Kaphnuna
Thusawitu : Pu Salnunkhuma
Tp Lakhawmtu :Pu Ramnunsiama
MAY THLA ZAI HRUAITU TURTE
1) Pu HV Hranglawta 2) Pu C. Laltlankima
3) Tv C. Lalpengluaia
Hla hriltu : Nl Vanlalveni
Key Boardtis : Pu C. Lalremtluanga
MAY THLA THILPEK LAKHAWMTU TURTE
1) Nl C. Sanglianthangi 2) Nl R. Lalremsangi
3) Nl Lalchhawnkimi
Keimahni
@@Vawiin hi Bible Society Bawm inleng kalpui hun a lo ni leh ta a, Kohhran In tinte i lo inring leh ang u. @@May thla Building Ip lut 95 Sum hmuh zat Rs 10730/
@@Nimin Inrinni khan KTP Sawhthing hmun thlawh hnatlang neih a ni a, Member thahnem tak kan thawk chhuak.
@@Ni 31.5.2013 Zirtawpni khan Joshua group chuan Sangha zuar in hnatlang an nei a, zingkar atangin member thahnem tak an thawk chhuak a. tlawmngai a Sangha leisak tute chungah an lawm hle a ni.
@@Kan Leader Pu B. Lalthazova fapa Benison-a chu Malaria PF avangin Aizawl Civil Hospital-ah enkawl mek a ni a, i tawngtaipui ang u.
@@Pavalaite chuan member tlawhchhuah Prog an hman chu an zo thawkhat ta a, hlawk thlak an ti in, zawngchhang tlak an ti hle.
No comments:
Post a Comment