THALAITE THIAN

UAIN LEH ZU

“Min vua a, a na si lo, min vel a, ka hre lo, eng tikah nge ka lo harh ang aw,

ka in leh bawk thin ang” (Thufingte 23:35)

Tunlai khawvel awm hle hle thei lovah hian Kristiante chu kan cheng a, kan intlansiaknaah hian min tibahlahtu leh kawng nal, tlukna tur a pui a tam em em a, intlansiak laite tan chuan mi insum thei leh taksa tana chaw tha ei a tul a, Pathian ngaihsak tura insawizawi te nen. Sawi tur tam tak a awm awm e.

Mi tibahlah theitu kawng hnih chauh lo sawi ila, chu chu ZU hi a ni a, tunlai Zoram nula leh tlangvalte zingah hian mahni sakhua chu ngaihsak hlein kan lang a, amaherawhchu, a rûk ang deuha zu in hi an tam ta deuh em ni aw tih theih a ni a, hei hi hnam titawphnawktu a nih hi hriain, sim thei ila a va lawmawm dawn em! Zu vanga mi tam tak chhungkaw khawsakin a tuarna leh kan Zoram pawhin tuarna nasa tak a neih reng hi nula leh tlangvalte hian chhan a tul hlein a lang a, hnam tichhe tur chu Sawrkar pawhin a dovin a chhan thin a, kan hnam tikhawlotu zu leh sualna dangte hi thangthar nula leh tlangvalte hian kan do a va tul em!

Chuvangin, khawtlang leh hnam leh chhungkaw nun atan hun pawimawh tak lo thleng mek leh lo la thleng leh zel turah hian kan Mizoram nula leh tlangval Kristian Thalai, etc. te hi kawng peng thuam lai taka kawng dik kawhhmuhna lehkha tar ang ni thei turin Thalaite Thian chhiartu chu kan ngen duh che u a ni. “Aw, fing sela chuan heng hi an hrethiam ang a, an tun hnu lam thu an ngaihtuah tur! An uain te chu Dragon tur leh rul rial tur tha tak a ni a,” a lo ti a (Deut.32:29-33), “Zu rui mite leh sa hmeh mite an lo rethei dawn si a, nguainain puan chhia a sintir ang” (Thuf. 23:30).  “Tute nge chung pik thin a, tute nge lungngai thin a, tute nge inhau thin? Tute nge thubuai nei thin a, tute nge a vang awm lova hliam tuar thin a, tute nge mit sen rem rum thin le? Zu hmun a awm reng thinte, zu chawhpawlh in thinte an ni....A tawpah chuan rul angin a chu a, rul tur thami angin a chu thin.

Kan hmelma hlauhawm tak mai zu hi hneh tur hian hmanraw hlauhawm pui pui hman a ngai lo va, thalai thate leh an insum theihna hmangin hneh i tum ang u. Mizoram hmachhuan ber chu Mizoram thalaite hi an ni a, a chhe lam kawng kal tur chelh ding theitu kan ni bawk ang.

Tun lai hian upa zawk tan pawh rilru putna leh inthlahdahna te, zu in te, chet pawlawhna te, mahnihmasial te, Pathian lam ngaihthahna te, thlarau lam thil ngaihtuahna dik lo kawng te a inhawng a, chu chu zawh a awl hle ang. Kan kawng zawh tur erawh chu thlarau lam nunna tak te, mahni hma chauh sial lohna te, thianghlimna te, Pathian pawl te a ni zawk e. Hruaitute zawng zawng pawhin vantlang zinga thusawi tumah chauh ni lovin, mi mal mal hnenah ngilneihna, dikna, rinawmna, entawn tlakah inentir thei ila, thangtharte chu kawng tha zawkah kan kaihruai thei ang. Tunlai ram tamtakin an ngaihtuah ber chu, “Kan ram engtin nge kan siam that ang,” tih hi a ni. Mizoram siam thatna turin engtin nge kan tih ve ang le. Kan ram leh Kohhran siam tha turin theihtawp kan chhuah a va tul em! Lalpa’n malsawm rawh se. Amen.

KOHHRAN HUN RUAT 

Ni 19.5.2013 ( Pathhianni)
PENTIKOS NI PROGRAMME
Chawhma Inkhawm
Tantu : Pi V. Lalnunmawii
Thupui : Thlarau thuhmun an chang
Chhiar tur : Tirhkohte  2: 1-13
Sawitu : Upa C. Lalliana
Chawhnu  Inkhawm
Tantu : Pi Laldawngliani
Thupui : Thlarau dik changte awm dan
 Chhiar tur : Tirhkohte.2:42-47
Sawitu : T Upa K. Lalthangkhuma
Zan  Inkhawm
Tantu : Pi Lalchhawni
Thupui : Thlarau rah
Chhiar te : Galatia.5:22-26
Sawtu : Pastor Lalthanhawla
Zan Inkhawmah hian PCI Pual thilpek lakkhawm a ni ang, PCI thuchah Kohhran Secretary in chhiar chhuahna a nei ang, PCI pualin Tawngtai rualna neih tur a ni bawk ang.
Chawhma leh Zan inkhawm banah Kohhran Centenary Hall-ah Zaikhawm tur a ni ang.
Zaikhawm hruaitu tur te
Chawhma Inkhawm ban: Pu Rosiama
Zan Inkhawm ban: Pu R. Lalpianthanga
THAWHTAN ZAN KTP INKHAWM PROG
A hmun : Biak In
Hruaitu   : Tv Ronghinglova Chhangte
Tantu       : Tv Lalhmangaihzuala
Thusawitu : Pu K. Lalngaihsaka
Tp Lakhawmtu : Tv R. Lalruatsanga