PATHIAN TAN THEIH TAWK
‘Hmeichhe pakhat Alabasta bawma hriak rimtui to tak kengin, Isua lu-ah a leih a’
(Matt. 26:7)
Isua hminga thawhlawm thawhtuten an thawh khawm liam liam a. Kei pawh chuan thawhlawm dawngtute hnenah cheng khat note chu ka pe ve ngei a.
Kan hla sak kan ban veleh Kohhran Upa chuan thawhlawm chu Lalpa hmaah a hlan a, “Aw Lalpa, I tan kan hausakna te ui lovin kan neih chhun kan rawn thawh khawm liam liam a, hengte hi i ram tan hmang ang che,” a ti a. Chu Upa tawngtainaa min khawihtu chu ‘Kan neih chhun’ a tih hi a ni a. Kei zawng ka neih chhun a la ni lo, ka kawr ipteah pawh ka la ak teuh mai, ka ti a, chutia a tih zawh chuan ka thiante pawh chu ka han dap vel a, an neih chhun a nih chu ka ring reng reng lo mai a, a titu ngei pawh chu thawhlawm a pek bang tam tak a la nei tih ka hria a, ‘Kan neihchhun’ tih aiin ‘Kan phal chhun kan pe a che’ tiah ka it viau mai nghe nghe a.
Vawi khat chu Lal Isua Simon ina a thut laiin, hmeichhe pakhat a lo kal a, chu hmeichhia chu a bengvar hle mai, kut ruakin a lo kal lo. Chaw eia sawmtu Simon han bengvar loh dan hi i en thin em? Kan Lalpa hi a lu a thur ta em em mai a, a sam pawh a ro tawh bawk a, ‘Kan hriak te kha va pe ula, in thih rawh se,’ tia a nupui fanaute hnena sawi nachang pawh a hre lo. Towel pek nachang a hre lo bawk. He hmeichhia erawh hi chuan Isua Towel atan a sam a hmang a ni.
He hriak hi bazar thilah chuan duli 300 man a ni. He tih lai hian duli hi nikhat hlawh tawka ngaih a ni thin a, he hmeichhia hian a kum khat deh chhuah zawng zawng chu Isua lu-a thih tur hriak lei nan a hmang zo leh der a nih hmel a, hei zet hi a neih chhun a va ni dawn awm em! Vawi khat thih vek turah chuan a tam lu deuh lo maw? A pamhmai i ti hial em? Zirtirte meuh pawh an phun nawi phah a nih kha. A rim hi inchhung khat rum rum lo thei a ni hleinem.
Isua chu kan inchhungah chaw eiah kan sawm fo tawh. Lal Isua chaw bel (Buhfai tham bel) chu in tam takah a awm fur tawh a, nimahsela Isua sam thur tihmawm tur a ni tih kan hre thin lo a, Mari erawh chuan a hriak rimtui tak mai ui miah lovin a rawn keng a, a rimtuizia mai hi ka ti. Isua chaw eia sawmtu pa Simon chawhmeh siam tui leh tui loh thu engmah sawi awm ta lo, Mari hriak rimtuizia thu mawlh mai sawi zuk tling a! Simona ang hian Isua chu kan ngaina fu a, mahse kan ngainat dan a zik chhuak zo lo a ni ber awm e. Nimahsela he hmeichhia ang hian i ti ve ang u. Lalpa tan kumkhat deh chhuah a pe vek ang hian tunlai kan hotu liante leh kan dawrkai mi hausa chhuanvawrte hian sawmah pakhat; rinnaa mi chak ve lote chauh pek theih tawk hi buaipui lovin an kum khat deh chhuah zawng zawng hi han pe ve mai sela chuan a rim a va na nasa dawn em! Sawmah pakhat hi chu a bata kan bat a ni a, sawma pakhat chu Lalpa ta a ni, pe tura phut kan ni. Mel khat kala min phut luitu chu mel hnih kalsak tur a ni. Sawmah pakhat phut kan nih si chuan a tlemah sawmah pahnih aia hniam lo a ni dawn lo’mi? Sawmah pakhat pek chu rinna chak lote tihdan a ni. Hei pawh i la pek loh chuan mi chak lo pawh i la tling lo a nih dawn chu. Duli 300 man vawi khata thih vektu Mari chuan a hriak chauh Isua tan a pe a ni lo va, a bawm pawh a sawh keh a, a bawm lamin a hmang zo vek a nih kha. Tikeh ni lo sela chuan hriak rimchhia te an thun leh maithei a ni. Keini pawh kan thinlung ro bawm hi Isua hriak dah nan chauh hmang ang u. Chutichuan khawvel hriak rimtui lote hi a lo lut dawn lo nia. Pathian tana inhmangin, khawvelin a hman leh tur awm tawh reng reng lo turin i intikeh ang u. Ni 9.6.2013 ( Pathianni)
KOHHRAN HUNRUAT
SS Tantu : Pi Lalmuanpuii
Thu sawitute
Chawhnu : Upa R. Chalthuama
Zan : Pu T. Larintluanga
THAWHTAN ZAN KTP INKHAWM
PROGRAMME
A hmun : Biak In
Hruaitu : Nl Lalchhawnkimi
Tantu : Tv C. Lalrinmuana
Thusawitu : Tv Ronghinglova Changte
Tp Lakhawmtu : Nl Lalhriatpuii
KTP PATHIANNI TLAI FELLOWSHIP
PROGRAMME
Tan hun : Dar 3:30 Pm
A hmun : Centenary Hall
Hruaitu : Tv T. Vanlalchhuana
Tantu : Tv Gospel Malsawmdawnga
Thusawitu : Tv K. Lalbiaknunga
Hla zir nghal tur a ni ang. Member ten i ngaipawimawh ang u.
KOHHRAN HMEICHHE INKHAWM PROGRAMME
A hun : 11.6.2013
A hmun : Biak In
Hruaitu : Pi Vanlalhawihi
Tantu : Pi Lalnunmawii (Di-i)
Thusawitu : Pi Lalliantluangii
Keimahni
Tp Lakhawmtu : Pi Lalnarammawii@@ Vawiin hi Kohhran Ramthar Ip leh K.T.P Ramthar Ip lakkhawm hun alo ni leh ta a,Kohhran In tinte leh K.T.P member te ilo inring leh ang u
@@ Pathiani hmasa khan KTP Financial Group Budget lakkhawm a ni a, Rs 6100/ hmuh a ni. Aizawl Group pawhin an Budget an rawn tlak thei zel a, a lawawm thin hle a ni.
@@ Chhiahtlang Pastor Bial KTP Half Year Meet chu tun thla ni 28 atanga ni 30 hian Chhimveng Kohhan Biak Inah neih a ni dawn a, a hnai ta hle mai a, Member ten hla zir i ngai pawmawh ang u.
@@ Kan Asst Leader Pu C. Laltlankima chu PYF Khawmpui Kachar-a neih tur ah Mizoram aiawh in a kal dawn a, Ni 13 hian Aizawl atangin an chhuak ang, Mizoram atangin mi 5 an kal ang, tluang taka an kal theih nan i tawngtaipui ang u.
.BR KTP COMMITTEE THUREL TE
Ni 4.6.2013 Zan khan Br Committee neih a ni a, Thurel tlangpui te
1) Kan Kohhran Thutthleng siamna tur Rs 4000/ kan Budget chu, kan pawisa neih sa atangin Rs 2000/ Kohhranah pek luh phawt nise kan ti.
2) Jeremia Group Leader Tv C. Lalpengluia chu Aizawl lamah a awm avangin, Jeremia Group leader atan Tv R. Laldintluanga chu ruat a ni.
3) Bial KTP Half year meet inbuatsaih nan June 22 ( Irinni) nileng in hla zir tur a ni.
4) Ni 24.6.2013 hi Group lian Budget lakkhawm hun a ni a. Hosea Group ten an theng ang, Prog pawh an kutah dah a ni.
5) Baik In kal kawnga kan Sign Board chhia chu siam that ni se kan ti.
